Na o etsa liphoso tse tse hlano ha o ithuta boporofeta?
Pele ke hlalosa hantle lethatamo la liketsahalo tse tla etsahala nakong ea bofelo ba moloko ona, ke lakatsa ho arolelana le lona liphoso tse hlano tseo batho ba ba ngata ba li etsang ha ba ithuta Bibele.
Lebaka le etsang hore ke le arolele liphoso tsena ha ha joale, ke hobane haeba o etsa liphoso tsena, u ke ke oa utloisisa lithuto tse ling tse saletseng.
Phoso ea Pele: Ho latela maikutlo a batho
Ha Morena Jesu a hlalosa liketsahalo tse tlang ho etsahala nakong ea bofelo ho bao ba neng ba molatela, taba ea pele eo a ileng a e bua ke hore,“Hlokomelang, le se ke la ts’oha le khelosoa ke motho ofe kapa ofe” (Matheu 24:4).
Hona le batho ba ba ngata ba rutang maikutlo a bona ka tse porofitiloeng ka Bibeleng. Hona le lithuto tse ngata tse fosahetseng ka Bibele. U tlameha ho hlokomela seo o se lumelang.
Bibele e re, “Se nyeliseng lineo tsa boporofeta. Hlahlobang tsohle, le boloke tse ntle” (1Bathesalonika 5:20-21). U tlameha ho hlahloba tsohle tseo u li utloang ka Bibeleng ea hao. Haeba seo u se utloang se lumellana le seo Bibele e se buang , se boloke. Haeba se sa lumellane le seo Bibele e se buang, se hane.
Ho bo bebe ho lumela se etsang moelelo ha u se utloa. Empa Morena Jesu o ile a re, “Kenang ka khoro e patisaneng, hobane khoro e isang timelong e hèbèhèbè, le tsela e eang teng e sephara, ‘me ba kenang ka eona ba bangata, empa khoro e isang bophelong e patisane, le tsela e eang teng e boima, ‘me ba e fumanang ha ba ba kae” (Matheu 7:13-14). Ho utlisisa Bibele ho hloka matla.
Haeba o sa shebe Bibele ea hau ho iphumanela ‘nete, o tla khelosoa.
Phoso ea Bobeli: Ho bala Bibele ka tsùsumetso ea maikutlo a hao
Phoso e ñgoe e tloaelehileng ke ena eo e ka bang u e entse.
Hangata, ha batho ba sheba Mangolo a Bibele , haba ha ba batle ñete. Ba batla ho netefatsa seo ba seng ba ntse ba na le sona.
Mohlala, thutong e tlang re tla ithuta ka seo Bibele e se rutang ka letsatsi le leholo la Morena ( hotla ha Morena Jesu). U tlameha hore ebe u se u ntse u na le tumela ea hau ka hore na Morena Jesu o tla khutla kapa che!. Haeba ho joalo, etlaba neng, le hore na ke mang ea tla bolokoa.
Leha ho le joalo, u se u ithutile Mangolo a Bibele oa ba oa fumana Mangolo a tsèhetsang tumelo ea hao. Empa potso eaka ke ena: na ka ñete u batlile hore na Bibele ereng ka ho khutla ha Jesu, kapa o batlile Mangolo a tsèhetsang leho lumellana le tumelo ea hau feela?
Hangata, batho hantle ha ba batle ñete. Ba batla feela Mangolo a tla hlaha a tsèhetsa leho lumellana le maikutlo a bona.
Na u ne u tseba? Haeba u batla tsèhetso ka Bibeleng ka seo u seng u ntse u na le maikutlo holima sona, u tla e fumana. Haeba u batla ho netefatsa hore ntoa ke bokhopo, u tla fumana Mangolo a u netefaletsang seo. Haeba u batla ho netefatsa hore ntoa ke ntho e ntle, u tla fumana Mangolo a u netefaletsang seo. Iketsetse sehlooho feela—ho qhala kemaro, likamano tsa batho ba boleng bo le bong, ho bua ka maleme a sele, kolobetso, joala, ho khutla ha Morena Jesu, kapa moelelo oa boporofeta—haeba u ipatlela Mangolo a ka tsèhetsang ka mo u bonang lintho ka teng, u tla fumana se tla tsèhetsa seo u seng u ntse u na le tumelo ho sona.
Ha se eona tsela e nepahetseng ea ho ithuta Bibele eno. Empa e tla matlafatsa hore u ithetse ho ea pele.
Haeba u botsa lipotso tse fosahetseng, u tla fumana likarabo tse fosahetseng.
Tsela e ñgoe feela ea ho fumana ñete. Ke ho botsa lipotso tse nepahetseng. Lesa ho batla ho tsèhetsa maikutlo a hau, u qale ho botsa na,
- Bibele ereng hantle?
- Mangolo a amanang le sehlooho se ke afe?
- Mangolo ka ofela a amana joang?
Ha u qala u beha maikutlo le tumelo ea hau ka thoko, u qala ho batla ka Bibeleng, seo e se bolelang hantle, joale u tla qala ho bona lintho tseo u e so ho li bone.
E! U tlameha ho ikokobetsa ‘me u amohele hore haona likarabo tsa lipotso tsohle. U tlameha u qale ho amohela hore u ne u fositse ha u bona hore Bibele e bua se fapaneng le seo u neng u se nahana. Haeba u lumela ho amohela lentsoe la Molimo , “Le tla tseba ñete, ‘me ñete e tla le lokolla” (Johanne 8:32).
Phoso ea Boraro: Ho itsèpa bo uena
Phoso e ñgoe e tloaelehileng ke ho leka ho utloisisa Bibele ka bo-uena, ntle le thuso ea Molimo.
Hlokomela hore barutuoa ba Morena Jesu ba leshome le metso e ‘meli ha ba ka ba utloisisa tse porofitiloeng ka Morena Jesu ka Bibeleng ho fihlela Jesu a ba fa kutloisiso. “Eaba o ba bula likelello hore ba utloisise Mangolo” (Luka 24:45).
Hantle likarolo tse ngata tsa Bibele li ngotsoe ka mokhoa oo batho ba ke keng ba o utloisisa ntle le thuso ea Molimo (Esaea 28:13; Johanne 12:39-41).
Ha Morena Jesu Krist a ne a bua ka litsoàntsò, e ne e se ho thusa batho ho utloisisa. Sheba Matheu 13:10-11:
Barutuoa batla ho eena, ba re: “ke ka baka la ñg u buang le bona ka litsoàntsò?” A ba araba a re: ”Lona le neiloe ho tseba liphiri tsa ‘muso oa maholimo, athe bona ha ba ho neoa.”
Kutloisiso ke mpho e tsoang ho Molimo.
U hloka ho kopa Molimo ho ofa kutloisiso. “Haeba e mong oa lona a hloka bohlale, a ke a bo kope ho Molimo ea fang bohle ka matsoho a mabeli, a sa khanane, ‘me o tla bo fuoa” (Jakobo 1:5).
Na u ile oa ka oa etsa seo?
“Kopang, le tla fuoa, batlang, le tla fumana; kokotang, le tla buleloa, hobane mang le mang ea kopang oa fuoa, ea batlang oa fumana, ‘me ea kokotang oa buleloa. Ekaba ke mang ho lona, eo ekareng ha mora oa hae a mo kopa bohobe, eaba o mofa lejoe? Kapa ha a mo kopa tlhapi, ebe o mofa noha? Ha ho le joalo, ha lona ba khopo le tseba ho fana ka tse molemo ho bana ba lona, Ntatà lona ea maholimong o tla fana haholo hakaakang ka tse molemo ho ba mo kopang?” (Matheu 7:7-11).
Ka mehla ha u bala Bibele, kopa Molimo ho ofa kutloisiso.
Phoso ea Bone: Ho utloa ebe ha re etse
Lebaka le leng leo Molimo o buileng ka baporofeta ba hae ke hore hlokomelisa hore re fetohe. Molimo o ile oa joetsa moporofete Esekiele oa re:
“Joale uena ngoanà motho, ke u entse molebeli oa ntlo ea Iseraele; ka baka leo, ha u utloa lentsoe le tsoang ho ña, u ba nee keletso ea ka. Ha ña ke re ho ea khopo: ‘Ruri u tla shoa,’ eba uena ha u mo eletse, kapa oa mo khalemella litsela tsa hae tse khopo, motho eo ea khopo o tla shoa ka baka la sebe sa hae, ‘me mali a hae òna ke tla a batla ho uena. Empa ha u eletsa ea khopo, feela a sa khutle bokhopong ba hae, o tla shoa ka baka la sebe sa hae, empa uena u tla be u ipholositse. Ka baka leo, uena ngoanà motho, bua le ba ntlo ea Iseraele, u re: ‘Lona le re : “Litlolo tsa rona le libe tsa rona lia re imela, lia re ja. Re ka phela joang?“’ E-re ho bona: ’ Kea hlapanya, ho rialo Morena Molimo, ha ke thabele lefu la ea khopo, empa ke thabela ha ea khopo a khutla litseleng tsa hae a tle a phele’. Khutlang! Khutlang litseleng tsa lona tse khopo! Ke ka baka la ñg, lona ba ntlo ea Iseraele le ratang ho shoa?” (Esekiele 33:7-11).
Molimo o batla hore re phele ka mokhoa o re isang bophelong bo sa feleng. Boporofeta ke tsela e ñgoe eo a re hlokomelisang ka eona hore re fetohe.
Ba utloang mantsoe a baporofeta ba tlameile ho fetoha. Re ke ke ra mamela boporofeta feela ho utloa hore na ho tla etsahalañg, ebe re iphapanyetsa molaetsa oa tlhokomeliso:
“Ha motho ofe kapa ofe oa sechaba sa Iseraele, kapa ofe le ofe oa balichaba, ea jakileng naheng ea Iseraele, ea ikarohanyang le ña, ea rapelang melingoana ea bohata, ka pelong ea hae a bea sekhopi sa sebe sa hae kapele ho sefahleho sa hae, ‘me a e-ea ho moporofeta ho ea ‘motsa, ke ña Morena ka sebele eatla tla mo araba. Motho ea joalo ke tla mo loantsoà, ke mo etse setsoto le sesomo, ke mo khaole sechabeng saka, ‘me le tla tseba hore ke ña Morena ” (Esekiele 14:7, 8).
Ha re kopa Molimo bohlale, re lokela ho etsa se o Molimo o re senolelang sona. “Eng le eng eo re e kopang re tla e fuoa, hobane re boloka litaelo tsa hae, ‘me re etsa se mo khahlisang” (1Johanne 3:22).
Hopola, Molimo o batla ho etsa setsoalle le uena. Haeba u arabela boporofeta ka ho rapela, ka ho bala Bibele, ka ho khutla litseleng tsa hau tse khopo, Molimo o tla o hlohonolofatsa. Empa haeba u mamella boporofeta tse tlang ho etsahala, ebe hau mamele tlhokomeliso, joale koluoa eo ho porofitiloeng ka eona e tla u oela holimo. Ka hona, se etse phoso ena!
Phoso ea Bohlano: Ho latela letsoèle
Batho ba bang ba utloisisa hantle se o Molimo o batlang hore ba se etse, ebe ba batla ho latela Molimo, empa joale ba tsàbe se o batho ba bang ba ka se nahanang ka bona. Morena Jesu ha a ruta o itse; “Leha ho le joalo, e sita le ba bangata ba baokameli ba ile ba lumela ho eena, empa ka baka la Bafarisi, ha baa ka ba bolela, esere ba tebeloa tlung ea thapelo, hobane ba ne ba rata tlotla e tsoang ho batho ho feta tlotla e tsoang ho Molimo” (Johanne 12:42, 43).
Ho ka ba thata ho nka tsela e fapaneng le ea batho ba bang. Empa naa o batla hoba karolo ea batho baa ha Molimo o otla lefatsè.
Ke tsèpa hore o tla hopola thuto ena ha u ntse u tsoela-pele ka lithuto tse ling.