Ab'enyikiriza Etahikire “Bakahaba”?

Baibuli neetugambira ngu:

“Kandi tihariho ondaijo ou twakuboneramu okujunwa (oihireho Yesu Kristo), ahakuba tihariho rindi iziina ahansi y’eiguru eryahairwe abantu, erishemereire kutujuna” (Ebyakozirwe 4:12).

Baibuli neshoboorora kurungi, ngu buri muntu ashamereire kwiikiririza omuri Yesu Kristo kubona amagara agatahwaho (Ebyakozirwe 16:31; Abarooma 10:9-14; Abefeeso 2:8). Yesu akagira ngu tihariho gundi muringo gw’okutujuna (Yohaana 10:9; 14:6).

Kwonka kuriga enyima omu byafaayo, abantu baingi tibakiikirizaga Kristo nk’omujuni waabo.

Kristo akagira ngu baingi baremweta “Mukama,” kwonka abarikutiina Ruhanga nibo baaraze omu bukama bwa Ruhanga (Matayo 7:21-23; 5:17-20; Yohaana 2:4).

Kuwakuba ori ow’amazima, noteekwa kwiikiriza ngu baingi abaratwire omu nsi omu, tibaakahikiriizaga ebi Baibuli erikutushaba, kugira ngu tujunwe.

Kandi Baibuli neetugambira ngu Ruhanga “nayenda abantu boona kujunwa bakaija omu mushana gw’amazima” (1 Timoseo 2:4).

Baibuli neetugambira ngu Ruhanga “tarikwenda muntu weena kuhwerekyerera, kureka ngu twena twetaise” (2 Petero 3:9).

Eki nikibasika kita?

Ruhanga nabaasa kujuna abaafire?

Eego buzima, naakibaasa, kandi naija kukikora.

Baibuli neetugambira oku arakikore.

Ekishuba kya Sitaani ekirikusingayo

Warashomire Yohaana 3:13?

Tihariho n’omwe owaragiire omu iguru, kureka omwana w’omuntu owarugire omu iguru, niwe ari omu iguru (Yohaana 3:13).

Eki nikishoboorora kurungi, ku hatariho owaragiire omu iguru, kureka Yesu Kristo.

Eki nikyo bakwegyise omukanisa yaawe? Bakakugira ngu ku orikufa, omwiitsyo gwawe gutwarwa omu iguru nari geehena.

Kwonka ekyo tikyo Baibuli erikutwegyesa!

Yetegyereze kurungi, eki apooso Petero yaagambire ahari omugabe Daudi omukundwa wa Ruhanga:

“Baine taata, ka mbagambire n’obumanzi ebya tatenkuriitwe Daudi, ku yaafiire, yaaziikwa, n’ekituuro kye kiri aha owaitu n’okuhitsya hati. …Nimumanya ku Daudi we ataratembire mu iguru…” (Ebyakozirwe 2:29, 34).

Shoma kurungi egi mishororongo omu Baibuli yaawe, ahabw’okuba nibyo etuura neeyegyesa.

Baibuli neetugambira ngu Sitaani “nabaihabaiha ensi yoona” (Okushuuruurirwa 12:9), kandi n’omubiihi, kandi ishe w’ebishuba” (Yohaana 8:44).

Sitaani naabiiha ensi yoona n’ebishuba biingi, birikukwata ahari Ruhanga, aha nyikiriza, n’aha birikubaho omuntu yaaheza kufa.

Omu kutandika Ruhanga akagambira abantu, ati nimuza kufa mwaheza kurya aha muti gw’okutanisa ekibi, n’ekirungi (Okutandika 2:17).

Sitaani akagambira ki omukazi? Akamubuuza ati: “nookufa? Ngaaha toraafe!” (Okutandika 3:4).

Buri omwe naikiririza omuri oha? Nibiikiriza Sitaani, bareka amazima agi Ruhanga arikugamba omuri Baibuli.

Baibuli neetugambira ngu, “omushaara gw’ekibi, n’okufa, kwonka ekiconco eki Ruhanga arikukuhereza kurabira omuri Kristo Mukama waitu, n’amagara agatahwaho” (Abarooma 6:23).

Baibuli neetugambira ngu amagara gatahwaho n’ekiconco, tikugira ngu n’ekintu eki twatungire. Ekibonerezo ky’ekibi n’okufa, okufeera kimwe obutarigarika. Ekiconco kya Ruhanga n’amagara, amagara agatahwaho.

Amagara nari shi okufa, n’ebintu b’ibiri, ebi orikweshariramu-kutari kuza omu iguru nari geehena. Kureka Sitaani n’eyenda kukubaiha ngu toraafe, ngu ahabw’okuba oine amagara agatahwaho. Enyegyesa egyo ekapangwapangwa Sitaani, nk’ekishuba ky’okuhuzya abantu, kandi tibyo Baibuli erikutwegyesa.

Baibuli netugambira, “ngu ofiire tagira ky’amanya” (Omubuuruzi 9:5).

Ku orikufa nooba waafa, oba hatakiine ky’orikumanya. Torikuza omu iguru, torikuza geehena, kureka “noogwejegyera omu mucucu” (Danieli 12:2), otegyereza okuzooka.

Baibuli neeyegyesa okuzooka kw’abafiire (Abaheburaayo 6:2), etari nyegyesa egwiire y’okuza omu iguru kw’emwiitsyo.

Enyikiriza eriho obwaire obu, ekaiha nkahi enyegyesa etahikire egi? Omu byegyetso bw’Abaguriiki. Enyegyesa egi, ekeegyesibwa Abaguriiki b’eby’obuhangwa nka: Sokurateesi, Pulaato, Ariisitoto, na Pulootinuusi, reero enyikiriza eriho obwahati yaabihamya.

Abaguriiki bakaba batwara enyegyesa ya Apooso Paulo, erikukwata ahari “Yesu na okuzooka” kuba “etahikire kandi y’obugobya” (Ebyakozirwe 17:18, 20). Enyegyesa y’okuzooka egi, terashagikire bigyenderwaho by’Abaguriiki by’okuzooka kw’emwiitsyo.

Bwanyima abeegyesa b’amaani kuriga ahari Origeni kuza ahari Augasitiini, bahamya enyegyesa y’eby’obuhangwa bwa Abaguriiki egi barikukoresa Baibuli. Kuriga enyima munonga, enyegyesa egi etuura n’ehamibwa abantu baingi omu nyikiriza.

Omwiitsyo nikimanyitsa ki?

Noija kushanga ekigaambo “omwiitsyo” omuri Baibuli emirundi erikuhika nka kikumu, kwonka tikirikumanyisa eky’orikuteekateeka.

Yetegyereze Okutandika 2:2:

Reero Ruhanga yaahanga omuntu naamwiha omu mucucu, yaayitsya omu nyindo ze omwiitsyo gwa amagara, omuntu yaaba omwiitsyo gwa amagara (Baibuli y’ekika kya Kingi Jemuusi).

Okimanye kurungi, ngu Baibuli y’ekika kya Kingi Jemuusi neetugambira ngu, omuntu akaba “omwiitsyo gwa amagara.” Terukugira ngu omuntu aine amagara, kureka omuntu n’omwitsyo gwa amagara.

Mbwenu shi omwiitsyo nikimanyitsa ki? Omu Ruheburaayo, ekigaambo omwiitsyo nibakiiha omu kigaambo neefeshi, ekirikumanyisa ebihangirwe, ebihangirwe nka-omuntu ningashi enyamaishwa eine amagara. Omu Kutandika 1, ekigaambo neefeshi nikikoresibwa kushoboorora ebihangirwe ebirikutuura omu maizi n’omunyanja (Okutandika 1:20, 21, 24). Enyamaishwa, nka abantu byona n’omwitsyo-n’ebihangirwe kugira amagara.

Ezekieli 18:4 nihagira hati: “Omwiitsyo (neefeshi) ogurashiiehe guraafa.” Tihariho kirikugamba aha kutajunda kw’omwiitsyo. Omwiitsyo n’ebihangirwe ebirikujunda.

Omuntu ku arikufa habaho ki?

N’obuturaabe twine emiitsyo erikuhwaho juba, twine amagyezi agarikutuheereza okwetegyereza kukira enyamaishwa.

Kureka omu muntu harimu omwiitsyo, ogu Ruhanga yaamuhaire, ogurikumuretera okwetegyereza (Yubu 32:8).

N’oha omu bantu orikumanya ebi omuntu ateekateeka, kureka omwiitsyo ogu omuntu aine? (1 Abakorinso 2:11).

Omuntu ku arikufa Omwiitsyo guza nkahi?

Omubiri nigugaruka omu mucuucu omu gwarugire, omwiitsyo gugarukira Ruhanga owagutuhaire (Omubuuruzi 12:7).

Omuntu ku arikufa, omwiitsyo gugarukira Ruhanga, kwonka omwiitsyo gutiine mubiri, niguba gutarikugasha.

“Omwiitsyo ku guhwamu, agaruka omu itaka; izooba eryo, ebiteekateeko bye bihwaho” (Zaburi 146:4).

Ku orikufa, oba waafa. Baibuli neetugambira ngu omufu “tagira ky’amanya” (Omubuuruzi 9:5).

Banza okyenge eki Paulo yaagambire aha nyegyesa y’okuzooka:

Ahakuba abafu, ku baraabe batazooka, biri na Kristo tarazoirwe. Kandi Kristo ku araabe atarazoirwe, okwiikiriza kwanyu n’okwa busha; nimuba mukiri omu bibi byanyu. Kandi n’abo abaagwejegyeraire omuri Kristo nibaba bacwekyeraire (1 Abakorinso 15:16-18).

Kuharaabe hatariho kuzooka, biri tihariho matsiko g’aba fiire, ahabw’okuba bakafa kwenyine, tibaragyire omu iguru nari geehena.

Kwonka ahabw’okugira ngu hariho okuzooka, hariyo amatsiko ga buri muntu.

Ebirikukwata aha kuzooka

Baibuli eine emigane myingi y’abaazoirwe omu bafu, baingi omuri aba bakatuuraho kumara akaire, bafeera aha myaaka ehikire kandi mirungi.

Kwonka Yesu Kristo niwe yaazoirwe obutajunda, niwe yaabandize kuzooka n’omubiri gutarikujunda.

Kwonka omu mazima Kristo akazoorwa omu bafu, niwe muganuro gw’abagwejegyiire. Ahakuba nk’oku okufa kwaretsirwe omuntu, nikwe n’okuzooka kw’abafu kwareetsirwe omuntu. Nk’oku boona bafa omuri Adamu, nikwo boona barihindurwa abahuriire omuri Kristo. Kwonka buri muntu omu rubu rwe, Kristo niwe muganuro; bwanyima hakurateho abe ku ariija (1 Abakorinso 15:20-23).

Buri muntu weena oraafiire naza kugaruka abe ohuriire, kwonka butari omu bwaire burikushushana.

Okuzooka kw’okubanza kuryahika Kristo yaaheza kugaruka ahakuteerwa kw’enzamba (ya mushanju) erikuhereruka:

Reeba nimbaatira enaama nti: Twena titurigwejegyera, kwonka twena turyahindurwa, omu kaanya kakye nk’ak’okuhumbya eriisho, aha nzamba ey’aha mperu. Ahakuba enzamba eryagamba, kandi abaafire baryazoorwa obutagaruka kujunda, naitwe turyahindurwa. Mumanye ngu omubiri ogu ogujunda gushemeraire kujwara okutajunda, kandi omubiri ogufa gushemeraire kujwara okutafa (1 Abakorinso 15:51-53).

Omuntu weena owaatungire omugabo omu kuzooka kw’okubanza aine omugisha kandi n’orikwera. Abari nk’ogwo okufa kwa kabiri tikubaineho bushoborozi; kureka baryaba aba nyamurwa ba Ruhanga na Kristo, bategyekye nawe okumara emyaaka rukumi (Okushuuruurirwa 20:6).

Okuzooka kw’okubanza n’okwabo abaine emiitsyo erikwera:

Mumanye ngu omuntu weena otaine Mwiitsyo gwa Kristo, ti muntu we na kakye. … Ku muraabe mutuurwamu omwiitsyo w’ogwo owaazoire Yesu omu bafu, ogwo owaazoire Yesu Kristo omu bafu aryahindura n’emibiri yaanyu ey’okufa okuba ehuriire ahabw’Omwiitsyo gwe ogutuura omu riimwe (Abarooma 8:9, 11).

Ruhanga ku arikukuhereza Omwiitsyo gwe, nigukuhamya kugira ngu noija kutunga amagara agatahwaho omu kuzooka kw’okubanza:

Mukaikiriza Yesu, mwahamibwa omuriwe n’akamanyitso k’Omwiitsyo orikwetwa owaaraganisiibwe; nigwo mukwato gw’obuhunguzi bwaitu, okuhitsya obu tuributunga, ekitiinisa kye kikasiimwa (Abefeeso 1:13-14).

Ekyo tikirikumanyisa ngu Omwiitsyo gwa Ruhanga tigukubaasa kukurigaho (nikibasika), kwonka ku orikurinda Omwiitsyo gwa Ruhanga, ogira obuhame bw’oba omu kuzooka kw’okubanza.

Omwiitsyo gwa Ruhanga nogutuunga ota?

“Yetaise, batizibwa, buri omwe omuriimwe, omu iziina rya Kristo Yesu abasaasire ebibi byanyu. Nimwaija kutunga ekirabo ky’Omwiitsyo orikwera, ahabw’okuba nimwe mwaraganisibwa, n’abaana banyu, na boona abari hare naimwe, naboona abu Mukama Ruhanga waitu ayesire.”

Ruhanga ku arikuba naakweta (Yohaana 6:44), nooba oine omugisha kweteitsa, okabatizibwa, okatuunga omwiitsyo orikwera, orikutuhamya kuza omumagara agatahwaho.

Ogwo n’omugisha gw’amaani.

Kwonka n’ogwabo abu Ruhanga ayesire.

Kandi shi bo abandi nibashangwa nkahi?

Ijuka kurungi Ruhanga “naayenda kujuna buri muntu kandi akamwegyesa amazima” (1 Timoseo 2:4). Kwonka obwaire obu, ariyo naayeta bakye, kwetebekanisiza kutegyeka na Kristo omu bukama bwe.

Kandi abandi bo nibabarirwa nkahi?

Ekigarikwamu kiri omu kitabo ky’Okushuuruurirwa:

(Kwonka abafu abasigaireho abandi bo tibaragarukire kuba abahuriire, okuhisya obu emyaaka rukumi yahingwaireho; oku nikwo kuzooka kw’okubanza.) (Okushuuruurirwa 20:5).

Baibuli netugambira aha kuzooka kw’emiringo ebiri.

Okuzooka kw’okubanza n’okuheebwa amagara agatahwaho, okwakabiri n’okucwerwa orubanja. Haza omu kucwerwa orubanja oku, harimu omugisha. Nooreeba Ruhanga takacweraire bantu baingi orubanja, naija kurubacwera bwanyima “baheza kumanya amazima” (1 Timoseo 2:4).

“Obu nibwo bunaku obu abantu barifa obutagaruka baaheza kucwerwa emanja” (Abaheburaayo 9:27).

Aga n’amakuru marungi

Ruhanga takacweraire bantu emanja, kureka obwaire obu, Ruhanga ariyo naacwera emanja “ab’enju ya Ruhanga”-abo abaine Omwiitsyo orikwera (1 Petero 4:17). Kwonka Ruhanga naija kucwera emanja abandi boona baaheza kuzoorwa omu kuzooka kwa kabiri.

Yetegyereze eki Kristo yaagambire aha bahakaniise enyegyesa ye:

Omugabekazi w’eihanga ry’obukiizi-bwa-buryo aryayemerera n’ab’obusingye obu aha kiro ky’orubanja, arubasingise; ahabw’okuba akaruga aha muheru gw’ensi, yaija kuhurira eby’obwengye bwa Selumaani; kandi reeba orikukira Selumaani ari aha. Aba Nineeve baryayemerera n’ab’obusingye obu aha kiro ky’orubanja barubasingise; ahabw’okuba bakeetaisa ahabw’okubuurira kwa Yona; kandi reeba orikukira Yona ari aha (Luka 11:31-32).

“Iwe Koraziini, oryakareeba! Naiwe Besesaida, oryakareeba! Ahabw’okuba eby’okutangaaza ebyakoriirwe omuriimwe, kuri noogira ngu bikakorerwa Tuuro na Sidoni, bakabaire beetaisize kare, bashutami bajwaire ebiguniya, beeshukyaire eiju rya kashenda. Mumanye ngu aha kiro ky’okucwa emanja, ekifubiro kya Sidoni na Tuuro kiryaba ekirikubaasa kwemerwa kukira ekyanyu” (Luka 10:13-14).

Omu kucwa orubanja, abantu boona ab’emyaaka yoona, baragaruka baheebwe amagara. N’abari nkabo abu Yesu yayegyesize ekigaambo kya Ruhanga bakaanga kukiikiriza. N’abantu nk’aba Tuuro na Sidoni, abataratungire mugisha gw’okuhurira engiri.

Ebifubiro nibyaija kuba “nibyemerwa” ahabwa guruupu zoona, kwonka nibyaija kuba byanguhiizibwe mu kakye, ahari abo abataratungire kigaambo kya Ruhanga, kukira ahari abo abakyehugize (Luka 10:13). Kiteekateekeho, kuri noogira ngu hariho okuza geehena, ebifubiro tibyakubaire byanguhi ahabw’embaju zombi, hoona kikabatsikire?

Ruhanga akiikiriza Sitaani kuhumya n’okubaiha ensi obwaire obu, ngu reero aije abagirire embabazi boona aha muheru. Paulo nakishoboororaho omu kitabo ky’Abarooma:

Nk’oku kyahandiikirwe ngu: “Ruhanga akabaha omutima gw’okuhungira, n’amaisho ngu batareeba, n’amatu ngu batahurira n’okuhitsya eri izooba.” … Baine tata, ninyenda ngu mushoboorokyerwe enaama egi, murekye kweyeta abanyabwengye. Mumanye ku ekicweka ky’Ab’Israeli kyagizire obugangaazi, okuhitsya obu Abanyamahanga baritaaha omu kanisa, bakahika omu baro oguhikire; obwo ab’Israeli boona baryajunwa, nk’oku kyahandiikirwe ngu: “Omujuni aryaruga omuri Sayuuni, aihe omuri Yakobo okutatiina Ruhanga; Kandi egyo niyo ndagaano yangye nabo, ku ndi baihaho ebibi byabo.” … Ahakuba Ruhanga akabarira hamwe abantu boona omu bugomi, ngu abone kusaasira boona. Yeimwe! Obutungi bwa Ruhanga, obwengye bwe n’okumanya kwe ka bitaine bugarukiro! Emicwere ye n’emitwarize ye tibirikubaasa kumanywa! (Abarooma 11:8; 25-27; 32-33).

Paulo akashoboorora, ngu Ruhanga omu bwengye bwe, akiikiriza okuhumwa kwa Israeli, ngu reero abagirire embabazi bwanyima.

Mbwenu shi, eki nikimanyisa ngu omuntu naija kugira ati, “tindikuteekateeka ngu Ruhanga ariyo nanyeta,” n’ahabw’ekyo kankore eki ndaakunde, Ruhanga naija kungirira embabazi?

Ngaaha tikwe kiri!

Yesu akahakanisa abahuriire ebyegyeso bye bakanga kwetaisa. N’ahabw’ekyo naiwe owayega ekigaambo kya Ruhanga, waaba otakikuratiriize, okakora ebi waayega okakyenga, noija kushoboorora Yesu aha kiro ky’okucwerwa orubanja (Matayo 12:36). N’obu Ruhanga araabe atarikukweta, oshemeraire kumworobera nk’oku orikumwetegyerezaho-kandi Ruhanga naamanya buri kiteekateeke ky’omutima gwawe, n’ahabw’ekyo torikwaija kwetwaramu nk’otaine kiyaabaire n’amanya.

Obwaire bw’okucwa emanja haryabaho ki?

Okuzooka kwa kabiri nikushoboororwaho omu bwaijwire, omuri Ezekieli 37:1-14. Omu kuhanuura oku Ezekieli akareeba oruhanga rwaijwire amagufa, agu Ruhanga yagizire ngu n’amagufa g’ab’Israeli boona. Reero Ruhanga yaagira amagufa ati:

“Reeba, naaza kubatamu omwiitsyo, mube abahuriire. Naaza kubataho emitsi mbagarureho enyama, mbashwekyeho oruhu, mbatemu omwiitsyo, mube abahuriire; haza mumanye ku ndi MUKAMA” (Ezekieli 37 5:6).

Okuzooka kwa kabiri, n’okuzooka kugarurirwa amagara. Ruhanga naija kugaruruza abantu agandi magara (ningashi amagara g’okubanza ahari abo abafeeraire omu nda za ba nyina bo). Omu bunaku obu, abantu baraaba baine akagisha kwetaitsa bakatunga Omwiitsyo orikwera bakaturaho ebiro byona. Egi otagyetamu “kyansi ya kabiri.” Egi neija kuba eri kyansi yaabo y’okubanza kwegyesibwa, baketaisa, bakatunga Omwiitsyo orikwera wa Ruhanga:

“N’ahabw’ekyo obahanuurire obagire oti: oku nikwe MUKAMA Ruhanga arikugamba naagira ati: Imwe bantu bangye mwe, reeba ndyaigura ebituuro byanyu mbaihemu, mbagarure omunsi ya Israeli. Kandi ku ndiheza kwigura ebituuro byanyu, naabaihamu muryamanya ku ndi MUKAMA, bantu bangye mwe. Kandi ndabatamu Omwiitsyo gwangye, mube abahuriire, mbate omu nsi yaanyu y’obuzaarwa; haza obwo nibwo murimanya ku nyowe MUKAMA niinye naakigambire kandi nkakikora; nokwo MUKAMA arikugira” (Ezekieli 37:12-14).

Omu bwaire bw’okucwa emanja, buri omwe araayega “ebyahandiikirwe omu bitabo” (Baiburi), reero bacwerwe emanja kurigirira aha mitwarize yaabo-yaaba barakuratire Ruhanga, ninga yaaba baarayange:

Bwanyima naareeba ekitebe ky’Obukama kihango kirikwera n’Ogwo owaabaire akishutamiho; ensi n’eiguru byahunga nibiruga omu maisho ge; byabura obuhamizo. Naareeba abafu, abakuru n’abato, beemeraire omu maisho g’ekitebe ky’Obukama, ebitabo byashuuruurwa. N’ekitabo ekindi kyashuuruurwa, nikyo eky’amagara. Abafu bacwerwa emanja z’ebyahandiikirwe omu bitabo nk’ebi bakozire oku biri. Enyanja yagarura abafu ababaire bagirimu, na Rufu n’Okuzimu byagarura abafu abaabaire bariyo; boona baacwerwa emanja ez’ebi baakozire (Okushuuruurirwa 20:11-13).

Omu bwaire obu, buri muntu naija kusharamu kugira enyikiriza omuri Ruhanga n’okumworobera, ninga shi bange kwetaitsa. Abarayetaise baaraheebwa amagara agatahwaho, abarayaange baranagwa omu nyanja y’omuriro, bafe omurundi gwa kabiri, bafeere kimwe obutarigarika.

“Orikusingura aryahungura ebi, ndyaba Ruhanga we, nawe abe omwana wangye. Abatiini abatarikwikiriza, abakora ebihagaro, abaitsi, abashambani, abarogi, abaramya ebishushani, n’ababaihi, boona omugabo gwabo guryaba omu nyanja erikwaka omuriro n’obuganga bw’ekibiriiti, nikwo kufa kwa kabiri (Okushuuruurirwa 21:7-8).

Ebi ku biraabeho, Ruhanga naija kuhanga ensi n’eiguru ebiindi, reero Ruhanga n’abaana be batuure omuri Yeruzalemu entsya n’ensi entsya.

Bwanyima naareeba eiguru eritsya n’ensi entsya; ahakuba eiguru ery’okubanza n’ensi ey’okubanza bikaba bihwaireho, n’enyanja etakiriho. Kandi naareeba orurembo orurikwera Yeruzalemu orutsya, nirushuuma okuriga omu iguru ahari Ruhanga, ruteekateekirwe nk’omugore ocumiirwe iba; nahurira eiraka rihango, niririga omu kitebe ky’Obukama nirigira riti: “Reeba eihema rya Ruhanga riri omu bantu. Ruhanga aryatuura nabo; baryaba abantu be kandi We wenka aryaguma nabo ari Ruhanga waabo; aryaragaza amarira goona aha maisho gaabo; tiharibaho okufa bundi, n’obu kwakuba okucura nari okurira nari obusaasi, aha bw’okuba ebya ira biryaba bihweireho” (Okushuuruurirwa 21:1-4).

Aga n’amakuru marungi.

Obugyenyi bwa Ruhanga oburikuhereruka nibabweeta, “Ekiro kya Munaana” (Abaleevi 23:36, 39). Obugyenyi obu nibumanyisa buri kimwe ekiraabeho bwanyima y’obutegyeki bwa Kristo bw’emyaaka rukumi omu nsi, obariiremu okuzooka kwa kabiri, n’okwemurika na Ruhanga. Obugyenyi obu kuburahikiirizibwe, purani ya Ruhanga y’okutucungura, neeba yaahikiirizibwa.

Mbwenu shi, okwemurika na Ruhanga, omuri Yeruzalemu entsya, n’ensi entsya nibyaija kushusha bita? Baibuli terikutushoboorora baingi ebiri kubikwataho. Ruhanga naija kubitumanyisa bwanyima. Kwonka oine kukimanya ngu nibyaija kubonera kukira oku turikubiteekateeka.

Waaza kukoraki?

Oku nikwo kuheendera kw’ebyokuhanuura.

Nyine amatsiko ngu oyegire byaingi ebi waabaire otakahuriraga.

Oyegire ahari Israeli y’obwaire obu na Babeluuni entsya. Wayega ebiraabeho emperu yaaheza kuhika n’ebirabeho bwanyima y’emperu.

Waayega ku Sitaani ari ruhanga w’ensi egi kandi ku ari kubaiha abantu boona. Waayega ku enyegyesa na biingi ebiri kukorerwa omu nyikiriza nyingi bitarikushushana n’ebi Yesu Kristo yayegyesize, ebiri omuri Baibuli.

Waayega ku omurangi w’ebishuba arikwija kubaiha ku ari ow’enyikiriza ehikire, kwonka akegyesa abantu okuheenda ebiragiro bya Ruhanga. Waayega akamanyitso k’ekinyamaishwa nenki, n’oku waakubaasa kukeerinda ori kuhikiiriza ebiragiro ikumi bya Ruhanga.

Waayega engiri ehikire, ey’Obukama bwa Ruhanga, etarihwaho. Waayega oku Ruhanga ariyo naayeta abantu bakye obwaire obu, kutegyeka na Kristo omu bukama bwe. Waayega purani ya Ruhanga y’okutangaaza, erikushoboorokyerwa omu magyenyi ge.

Hati yeemerera aha nyambukiro

Nobaasa kugumizamu n’eby’obaire nookora mpaka oyebirwe buri kimwe, nobaasa kuzaana Ruhanga zaara, reero emperu kwerayirire haihi ogarukire Ruhanga (tikiraakore, reeba Matayo 25). Ningashi nobaasa kukwata eki waayega oki kuratire.

Ruhanga ku araabe naigura amaisho gaawe kukyenga, nobaasa kwetaba oku kweta kwe. Mpora mpora otandike okushaba n’okushoma Baibuli waaba otakatandikire. Nobaasa kutandika kurinda ebiragiro bya Ruhanga ikumi, osharemu yaaba orakuratire amagyenyi ge, nari ag’enyikiriza eyaareirweho abantu.

Kandi ninkushaba ekintu kimwe. “Waatunga aha bwa busha,” naiwe “heereza aha bwa busha.” Tindikushaba sente kushagika emirimo egi kwonka engiri netekwa kubuurirwa omu nsi yoona emperu etakaizire (Matayo 24:14). Oku nikwo oku oranyambe, nobaasa kurangira ebyegyeso ebi ahari buri muntu ou orabone, omu bwaire buhikire kandi omu mwanya ogurigwo.

Ebyegyeso ebi tibya buri muntu, kureka n’ebyabo abaine ekihika ky’okumanya eby’okuhanuura kwa Baibuli. Abandi nabo nibiija kutunga ebyegyeso ebyabo. Kwonka waaba nomanya oine ekihika ky’okushoma Baibuli, n’okuhanuura, mumanyise aha byegyeso ebi. Bashabe kubishoma kwonka otabibagyema, Guma n’obagambira mpora mpora kwonka otabibagyema. Barangire n’obumanzi, kandi ogume n’obi bagambira omu bwingi nk’oku orikubaasa. Omuri ogu muringo noija kubayamba kubagana aha bi waabagaineho. Obuyambi bwawe, nimbusiimira kimwe.

Kankwendeze okuhikiiriza kurungi, ebi Ruhanga yakuhaire amagara kukora.

Noija kushanga biingi ebirikukugasira ahari TheClearTruth.com.

Ku haraabe haine biingi ebi orikwenda kwega, nobaasa kusindika ekibuuzo kyawe aha email yangye. Waaba otagiine nobaasa kwigura ebyegyeso ebi, reero ongarukyemu orikukoresa email eyi waabyihaho.