Wũmo Wa Kyonthe Kĩla Kĩ Thayũ (Mwambĩlĩlyo 1:20-25)

Ĩndĩ we waumie va? Nĩwĩthĩwa weyĩanisye kũma kwa kaũvavathĩ o Kate kanene kala kaũmĩlĩle nũndũ wa ũtisĩ mavilioni ma myaka mĩvĩtũku? Kana ũw’o thayũ kũũ nthĩ wombiwe nĩ Ngai na kĩtumi kyaw’o?

Nĩna mũĩkĩ kana wĩna woni wa ũndũ thayũ wambĩlĩilye kũũ nthĩ. Na nĩvatonyeka, ũkethĩwa na mũĩkĩ ũndũ wa woni ũsũ waku. Ateo kwamba kwĩsilya ũũ: kwĩna mavilioni ma andũ ala mena woni kĩvathũkan’yo na ũsũ waku. Nĩ ũtonya kwona ta mate kĩthito. Na oũ nĩw’o vailyĩ. Na ĩndĩ we nĩ ũtonya kũmũtavya mũndũ wĩna woni kĩvathũkan’yo na ũsũ waku kana me mavityo na we wĩna ũ w’o?

Na kũvika vaũ, wĩna ũkũsĩ mwĩaniu wa kũtuĩka ũmanyĩ ũsũ waku wa w’ũmo wa ũ thayũ w’onthe? Kana we nĩweanĩiwe nĩ kĩla wewie ku kanĩsanĩ kwaku, mũsikitinĩ, kana o sũkulũ?

Nthĩnĩ wa ĩsomo yĩĩ nĩngũthi kũkwon’ya ũndũ Mbivilia ĩkwasya ũndũ wa wũmo wa thayũ, na tũisianĩsya na kĩla kĩ kw’o oyũ kya syeleelo sya kĩsaenzi. Ota kũma tene, nĩngũkwon’ya ũkũsĩ, na ndĩkũeka ũketw’ĩye we mwene kĩla ũtonya kũĩkĩa.

Twĩambĩlĩlya na Mwambĩlĩlyo 1:20-23:

Na Ngai asya, “Manzĩ nĩmausũwe nĩ wa nyamũ syĩ thayũ, na nyũnyi iũlũkae ĩũlũ wa nthĩ yayayanĩ.” Na Ngai atw’ĩkĩthya mũkũnga mĩnene, na syũmbe syonthe syĩ thayũ ila ithambĩaa, ila syusũite manzĩnĩ, o mũthemba wasyo, na kĩla nyũnyi ĩ nthwau o mũthemba wayo: na Ngai nĩ ũseo. Na Ngai aiathĩma, “akyasya, Ongelekai mwingĩve, musũe manzĩ ma maũkanga, na nyũnyi singĩve kũũ nthĩ” Na kweethĩwa wĩoo, na kweethĩwa kĩoko—mũthenya wa katano.

Kwa oũ vaa Mbivilia yĩelesya ũndũ Ngai woombie kĩla kĩndũ kĩ thayũ kĩkalaa manzĩnĩ na kĩla kĩndũ kĩũlũkaa yayayanĩ nthĩnĩ wa mũthenya ũmwe. Kwa oũ kĩũ kĩtikwosana na kĩeleelo kya kwĩyĩan’ya, kĩla kyasyaa kana kĩla kĩ thayũ na tũkyonaa ũmũnthĩ nĩkye yĩanisye kwa ĩlungũ ya mamilioni ma myaka.

Andũ amwe nĩmasyaa kana kwa kĩthyomo kya Kĩevelania, ndeto mũthenya ndĩthĩawa ĩlungũ na ũtalo wa masaa 24. Yĩĩ na oũ nĩ w’o. Ndeto mũthenya Mbivilianĩ nĩtonya ũtũtavya ũndũ ta mwaka ũmwe ona kana ĩngĩ myaka ngili ĩmwe. Kwa ngelekan’yo, 2 Vetelo 3:8 yĩasya, “kana mũthenya ũmwe kwa Mwĩaĩi nĩ ta myaka ngili.”

Ĩndĩ vaa nthĩnĩ wa kĩlungu kĩĩ tĩũsoma, ndeto mũthenya nĩ yĩeleetw’e o ta wĩoo na kĩoko. Yĩasya atĩĩ, “na kweethĩwa wĩoo, na kweethĩwa kĩoko—mũthenya wa katano.” Kwa oũ mĩthenya nthĩnĩ wa kĩlungu kĩĩ nĩ wa, masaa 24 ũkausũa mũthenya ũmwe. Ĩvinda ya kelĩ Mbivilia nĩkũleana na kĩeleelo kya kwĩyĩan’ya tũtyamba ũkĩkwatya kĩu.

Kwa ĩvinda ya kelĩ manya kana kĩla mũthemba wa syũmbe syoombiwe kwatĩanĩa na mũthemba wa wasyo. Ngĩthĩ kũsoma mĩsoa ya 24 na 25, amba kwona ũndũ ĩkwasya kana kĩla kyũmbe syoombiwe kwatĩanĩa na mũthemba wakyo:

Na Ngai asya, “Nthĩ nĩyumye syũmbe syĩ thayũ o mũthemba wasyo, indo, na tũsamũ tũla tũtambũkaa, na nyamũ sya kũũ nthĩ o mũthenya wasyo.” Na kweethĩwa ũu. Na Ngai oombie nyamũ sya kũũ nthĩ o mũthemba wasyo, na indo o mũthemba wasyo, na kĩla kĩndũ kĩtambũkaa ĩũlũ wa nthĩ o mũthemba wakyo. Na Ngai oona nĩ ũseo.

Mbavilia yĩasyaa ĩngĩ na ĩngĩ kana kĩla kyũmbe syoombiwe kwatĩanĩa na mũthemba wakyo. Kĩla kyũmbe kĩ mũmbĩlwe wakyo, ũndũ ũtosana na kĩngĩ. Kwa ĩvinda ĩngĩ, kĩũ kĩtwon’ya wũmbĩ nĩ ũvathũkanu na kĩeleelo kya kwĩyĩan’ya kũvika vaũ.

Kwa ĩvinda ĩvĩtũku masomo me mbee nĩngwonetye ũndũ Mbivilia ĩta vinganaa na Saenzi. Ĩndĩ vaa, twĩna ũelesyo mũseo wa ĩmwe kwa ĩmwe kwondũ wa kũleana na Saenzi ya ĩvinda yĩĩ. Twĩna ũndũ wa kwĩyonea.

Nayũ vaa wĩna maũndũ atatũ maũn’yũva:

Kũleana na Mbivilia o ta ũkewa wa kũtungwa nĩ andũ.

Kũleana na kĩeleelo kya kwĩyĩan’ya o ta ũkewa wa kũtungwa nĩ andũ.

Kũleana na ĩlungũ ya Mbivilia na ĩlungũ ya kĩeleelo kya kwĩyĩan’ya na nĩ kenda kũmathũngũlũla vamwe.

Kwa nzĩa ona yĩva ũkũn’yũva, no nginya ũkaleana na ũndũ.

Kĩla ũkũĩkĩĩa oyũ nĩ kĩndũ kĩũngamĩtw’e nĩ ũtw’i weekie tene. Nĩ kwona kana yĩla wan’yũvie kĩũ, nĩ vatonyeka ũkethĩwa ũtena maũndũ amwe ma vata.

Ĩsomo yũkĩte, nĩngũthĩ ũkwon’ya maũndũ ma vata ala ũtaamesilĩlya kũma tene. Nĩnĩsĩ nĩũkũthĩ kwendeew’a nĩ mo.