Ũw'o Mũkelemũ Wa Kũtongoeew'a Nthĩnĩ Wa Mbivilia (Ndeto Sya Mbee)

Nĩnaũthokya vaa Ũw’onĩ Mũkelemũ Kũtongoew’a Nthĩnĩ Wa Mbivilia!

Na Ũtongoesyo ũũ nĩ kwondũ wa kĩla ũmwe wĩthĩawa na mea ma Mbivilia.

Kethĩwa ndwĩsĩ kĩndũ ũndũ wa Mbivilia, ũtongoesyo ũũ nĩũkũtethya kwa mĩtũkĩ nĩw’o ũvikĩe kũmanya ũla wamĩandĩkie Mbivilia, ũndũ yo ĩnĩkwasya, na nĩ kĩtumi kĩva nĩyo ĩvuku yĩla yĩmanyĩkĩte mũno kũũ nthĩ.

Na kethĩwa nĩwamĩsomie ĩ Mbivilia yonthe mavinda maingĩ ũtongoesyo ũũ nĩũkwon’ya maũndũ ma vata ala ũtaamwona we.

Ona kethĩwa nũmyendete kana ũkamĩmena Mbivilia, ũtongoesyo ũũ nĩũkwon’ya na kũũtethya ũvĩkĩe ũmanyĩ kwondũ wa ĩvuku yĩĩ ya ũsengy’a na ya vata mũno.

Na nthĩnĩ wa masomo elĩ ala maatĩye nĩngũthĩ kũsũngĩa mokũlyo ala makũlaw’a mũno ũndũ wa Mbivilia, ota:

• Yo Mbivilia nĩ myaũ?

• Nĩ mavuku meana ata na nĩ ĩlungũ siana ata syĩvo Mbivilianĩ?

• Na nũũ ũla wamĩandĩkie Mbivilia, na yaĩ ĩndĩĩ?

Ĩtina wa vaũ, nĩngũsoma na kũelesya kũndũ kũmwe kwa vata vaũ Mbivilianĩ. Kwa oũ tũĩthĩ kũsoma mũkuthũ kũndũ kĩvathũkany’o kwa Mbivilia, nĩngũthĩ kũsũngĩa makũlyo amwe ota:

• Yo twĩna ĩmwe ya Mbivilia ĩla ngũũ kana nĩ wĩthĩwa yalyũlĩlwe?

• Nayo Mbivilia nĩ yĩw’anaa na Saenzi?

• Nayo Mbivilia yĩasya ata ũndũ wa Wendo, Mũtwaano, Ũmanyanĩ kĩmwĩĩ kwa andũ ma mũvaĩ ũmwe, kũmya mavu,Kwĩyũaa, na maũndũ angĩ maingĩ?

• Nayo mĩao ĩkũmi nĩ myaũ?

• Yesũ aĩ Ũũ?

• Naw’o wathanĩ wa Mbivilia nĩ mwaũ na wĩasya ata ũndũ wa Ũĩsilamu, Amelĩka, vamwe na mũminũkĩlyo wa ĩ nthĩ?

Kethĩwa wĩna mea ũndũnĩ ona ũmwe wa asũ, ĩndĩ soma ũelesyo ũla ũatĩĩe nĩw’o ũtonye kwona masomo ala ũkwendeew’a nĩmo.

Ĩsomo yĩla yĩatĩĩe nĩngũthĩ kũsũngĩa ĩkũlyo yĩmwe yĩla yĩnyamaasya andũ ũndũ wa Mbivilia, yĩla nĩ yo,

Mbivilia nĩ Myaũ?

Na kethĩwa nĩwĩsĩ ũsũngĩo, ũkĩla ũthĩ Mbee ũkwatĩanĩe na ĩsomo ya mbee yĩla ũkwendeew’a nĩyo. Nĩtwĩthĩane kũ!