Maundu ma Amelika na Ũthuĩloni wa Sua ala mokĩte

Isomo yii kwa kithyomo: Kĩsũngũ

Wathani wa mbivilia kwa ivinda yũkite wĩasya kũkethĩwa kũte ingi kau, kwiw’a woo, kana kuĩa. Ateo ũndu Ũkwona kyalya, kĩthokoano, na mawoo ala mekw’o kuu nthĩ ũmunthi, Ĩndi nũseng’aa ni kyau kila kitumaa Ngai Ũtamamina yũyũ?

Wathani wa mbivilia wĩtwonya Ngai ena mũvango, na mũvango wake ni mwianiu kwa ĩvinda yake. Andũ aingi mayĩsi mũvango ũsu wa Ngai. Ateo maandĩko metuvuanisya mũvango wa Ngai kwitu ni mũseo na nĩ wa ũsenyo kũvita undũ tũtonya kwĩsilya (Alomi 11:33; 1 Akolintho 2:9).

Kya ũmanya, ũndu mbivilia ĩkwasya Ngai nĩwavangie kũtũnenga kĩla kindũ mokoni maitu.(Uvuany’o 21:7). Yii, kila kindũ! Vai kimwe utatonya Ũtunenga (Aevelania 2:8).

Ngai niwaitye kana nũnũkwenda ũkwaĩlya wĩthĩwe ota we undũ ũilyĩ (1 Yohana 3:1-2). Athanite ũkũnenga Ũtaio ota ũla wĩna w’o we. (Avilivi 3:21). Niwaitye enda Ũkũnenga vinya ũtavinyika na thayũ wa tene na tene. (1 Akolintho 15:42-44), Isomee maandiko asu wiyonee ũndu mekwasya. Asu ni mawatho me mwanya.

Ateo Ngai ndakakũnenga kĩla kindũ, o vamwe na vinya na thayũ wa tene na tene, o kuvika yĩla wĩ kuĩkia mavinda onthe wĩke ũla ũlungalũ na Ũseo, kwa nzia nzeo Ngai kũkũĩkia we no yĩla nakp wĩ mũĩkia e we.

Ngai niwisi ketha ũkamuĩkia, ũketha Ũtonya kwĩka kila kindũ na ũndũ w’onthe ũnukwasya. Ũkeeka maũndũ kwa nzia sya Ngai, Ĩndi ti kwa nzia syakũ Ateo kethiwa ndwĩ mũĩkia ewe Ngai ethiwa wiona vangi Ngai e mavityo, kana wiona wisi kwi Ngai vau Ngai ndatonya ũkuĩkia na vinya wake. Nũtonya kwĩka maundũ ki kwakũ vandũ va nzia sya Ngai, na kindũ kiũ nikitonya ũkuetea mawoo na thĩna wa tene na tene.

Kwenda kwa Ngai nĩ kũmanyĩsya o kila Ũmwe kũmuĩkia e we, nĩ kenda tũvikie kũnyuva nzia syake. Na isu niyo nzia ya kwĩkala na mũuo nake mavinda onthe

Waavikia kwĩyiosya yo niki Ngai Ũtunengete kavinda kakuvi, ka thayũ uũ kũku nthi? Yo Niki tũtatonya kutia mawoo na mathĩna, na vau aitunenga thayũ wa tene na tene Kuma Mwambĩlĩlyo?

Nikwĩthiwa vena vata witu kumanya kũmuĩkia Ngai, mbee wa kũtunenga kila kindũ (Savuli 37:5).

Andũ aingi mena thina na Ngai nundũ wake kwĩtikila wathe na mothũku methiwe kuũ nthĩ, o vala nũtonya kũmaveta. Ateo Ngai ni mũi mũno kũtuthonoka.

Ngai niuvetanga mathina? Yĩi, no kũmaveta. Ateo yu andu nikumanya kũmwĩkwatya? Aiĩie. Tukethiwa na mesilya ma kana twĩna ũseo mbee kũmũvituka. Kwa ĩ nzia ĩmwe Ngai Asa Ũtumiaa kũtata kila ũmwe kana tũnyĩtonya nitueke kũtatithya nzia situ ene.

Kwondũ wa ũu, kwa Myaka 6000, Ngai aekete kila ũmwe kwika “na nzia situ ene”, Na vangi ũu niw’o Ũthanthau wa kũtalĩthya maũndũ kwa nzia ya ũkĩlyo wa ki-mũndũ. Ngai anengete andũ mwanya wa kũtalithya na kũikiithya ni witha nzia syoo syi nzeo kwĩ nzia sya Ngai!.

Na w’o undu ũsu ũendeye ata? Kwa oyu andũ me mũisyoni wa kwĩyananga na Miio myai ya nyũkilia. Kũvika vau Ngai akaema kũlikila kwa mitũkĩ, ithyĩ nĩ kwĩyananga (mathayo 24:22).

Kwa myaka yũkĩte o vaa mbee nitonya kwĩthiwa yĩ myumũ mũno. Ngai akatueka kũthengea kwiyananga atanamba ũtutangiia. Na kwisila maũndũ asu, andũ makamanya kũvika vau nzia sya andũ ĩtĩtethya. Yĩi, andũ makavikia kũmanya kũmwĩkwatya Ngai vandu va mo ene!. Na Mũmĩnũkilyo umanyi kana nĩ kwĩsila Ngai mona mũuo na ũtanu.

Ngai nũnũkwenda kũtueka kũtata nzia situ oyu, na kũtumĩisya oyu—nĩ kenda twimanyisye kũmwĩkwatya. Na niw’o etunenga thayũ wa tene na tene, “nundu syũmbe isumbikitwe ni wanangiko, tĩ kwa kwenda kwasyo, Ĩndi nĩ kwondũ wa ũla waitwiie Ũu, wĩkwatyoni nikwĩthiwa syũmbe nasyo ikathaw’a Kuma ũkomboni wa wanangĩko, kũlika ũthasyoni wa ũtaio wa syana sya Ngai (Alomi 8:20-21).

Ve Nzia Nzeo

Nyie vamwe naku tuyailwe nĩ kwimanyisya kũmwikwatya Ngai kwa maumũ. Ngai Asa nũminite ũtwonya ngekekany’o ya nzia isu nzeo. Twĩkwata ngekekan’yo isu thayũni wa Avalaamu.

Sisya wone undũ Ngai wamwiie Avalaamu ĩvukuni ya Mwambĩlĩlyo 12:1-3.

Na ũu niw’o Asa wa tene na tene wa mwĩie Avalaamu, “uma nthĩ yaku we mwene, ya andũ maku, na nyũmbani ya Ĩthe waku, na ũithi o kũvika nthĩ ĩla nĩkw’onya. Nakwa ngaũtwikithya mbai nene, nakwa ngakũathima na kũyĩnenevya syĩtwa yaku, naku Ũkeethĩwa ũathimo. Nakwa ngamũathima o w’onthe ũla wĩkũathima, na ngamuumania w’onthe ũla wĩkuumania. Na andũ onthe ma nthĩ makaathimwa kwĩsila we.”

Asu ni ma watho me mwanya. Ngai nĩwamwathĩe Avalaamu kana ũsyao wake ũkatwĩka ngo nene, na andũ onthe makaathimwa kwĩsila we, ethĩwa akeeka ũndu Ngai wa mwĩaie.

Na Avalaamu ekie ata? “Avalaamu ni waendie, o tondu Ngai Asa wa mwiaite” (mũsoa 4).

Avalaamu niwa muikiie Ngai, kwa ou amwiw’a undũ wa kĩla Ngai wamũtavisye nĩ eke.

Na ou nĩw’o Ngai ũnukwenda twĩmwithyuĩe we, vamwe nakwa tũmeke ma watho make. Nũkwenda twĩthĩwe na mũĩkio mulumu vala uĩ—na tuyĩka ũndu ũnukwasya nundu wa ũuniko witu ĩthyi ene.

Nĩkwĩthĩwa Avalaamu niwekwatitye na kũmwĩw’a Ngai, nĩwaendeiye na kũmunenga o ma watho angi. Sisya wone ma watho ala angi Avalaamu wamatiĩwe ni Ngai ĩvukuni ya Mwambĩlĩlyo 17:1-8.

Na yĩla Avalaamu wavikisye myaka 99, Asa Ngai amumĩlila na amwia, “Nyie ni nye Ngai mwene vinya. Enda we mbee wakwa, na ũlungalu. Nakwa ngekia ũtĩanio wakwa naku, nakwa ngakwingivya mũno mũno vyũ.”

Na Avalaamu eekunamya ũthyũ wake kũvika nthĩ. Na Ngai aneena nake, akimwia, “Vaa yu ve we nakwa, kwa sisya ũtĩanio wakwa wĩ vamwe naku, na we ũkatwĩka ithe wa mbaĩ nene. Syitwa yaku ndwĩsyoka kwĩtwa Avalam [ũla nĩ ĩthe munene] Ĩndi syĩtwa yaku ĩkethĩwa Avalaamu[ũla ni ĩthe wa mbai nene]; Ni kwithiwa nina kutwikithya ithe wa mbai nene. Ngatuma wongeleka mũno, ngakutwa ngo sya andu. Na asumbĩ makauma kwaku. Nakwa ngalũlũmiilya ũtĩanio wakwa naku na nzyawani syoo, withiwe ũtĩanio wa kũvika tene na tene, nakwa ngeethĩwa Ngai kwoo o tondu ni kwaku, o ta ũu asu me itina waku. Nakwa ngakunenga we na ũsyao waku itina waku nthĩ ĩno wĩ mũendi wa kyalo vo—nthi yonthe ya kanaanĩ—yĩthiwe ũtiiwa waku kũvika tene na tene. Na ngatwika Ngai woo.”

Avalaamu amũĩkia Ngai.

Itina wa myaka mingi, Ngai niwamutatie Avalaamu akamũthembee mwana wake Isaka (Mwambililyo 22). Na yĩu yai itatwa yĩ vinya ya mũĩkio.

Kethiwa nue, wai utonya kwika ata?

Avalaamu ndeesi yo niki Ngai wamwĩie akamũthembe mwanae. Ateo we ndaakananĩsya. Ndamũkulya Ngai ona ĩkulyo. Na ndaaleana na Ngai.

Avalaamu niwamwikwatitye Ngai. Ni weesi Ngai nde nzika. Na niweesi Ngai aina kitumi kiseo Kya kũmutwia Ũtwio ũsu kila we ũtakisi. Ai na wĩkwatyo kwa kũmwiw’a Ngai, na vangi Ngai aĩ atonya kwĩwia mwana tei, nundu Ngai niwathanite kũmuathima Isaka (Aevelania 11:17-19).

Kwondũ wa ũu Avalaamu amwĩw’a Ngai. Na amwiwie nundu aĩ na wĩkwatyo kwa Ngai kwĩvituka. Nayu ni kyaũ kyeethĩiwe? Ngai ni wamũkanisye Avalaamu atanamba kũaa mwanae Isaka, na Ngai atuma ndũume vala ũi, Avalaamu amyũmya nthembo eyo.

Na vau Avalaamu aikiithya muĩkio wake kwa Ngai kwa kũmwĩw’a, Ngai atia ũtĩanio na ma watho me mwanya:

“Na nĩneyiava nakwa nyie mwene, easya uu Yeova wa nguthũ, nĩ kwĩthĩwa niweeka undũ uu, na ndũnamba ũ mwana waku, mwana waku e weka, nakwa vate ndĩi ngakũathima, na ngakwongeleela usyao waku wĩthiwe ta ndata sya ya ya ya, na ta kithangathi Kya ũkangani, na ũsyao waku ũkasumbĩka mbingilo sya amaitha moo. Na ngo sya andũ syonthe sya nthĩ ikaathimwa kwĩsila ũsyao waku, nundu ni weew’a wasya wakwa, ” (Mwambĩlĩlyo 22:16-18).

Ma watho aa manenevete ou ti kwondũ wa Avalaamu e weka, Ĩndi ni vamwe na Ũsyao wake. Na ma watho- aa me kundu kwĩli. Nu kwona ena ũsyao mithemba ili:

1. Ũsyao wa syana sya kimwii, vamwe na
2. Ũsyao wa syana sya ki veva, ala mosaa na kũatĩa ngekekan’yo ya wĩw’i na mũĩkio wa Avalaamu (Akalatia 3:26-29).

Avalaamu ni ĩthe wa ngo sya andũ”na ĩthe wa syana mbingĩ kwĩsila nzia syi mwanya. Yii, kwĩ ngo mbingĩ sya andũ ala ni usyao wa Avalaamu wa ki mwii, ala makwatie moathimo asu mathitwe Avalaamu kũũ nthĩ. Ateo kwa vamwe, Avalaamu akatwĩka ĩthe wa ngo-syonthe. Ngo syonthe ikaathimwa kwisila we na kwa ũsyao wake—klisto Yesu—yĩla metw’a kũatia ngekekan’yo ya mũĩkio na mũendele wake.

Ũsyao wa Avalaamu kũũ nthĩ

Yũ nitusisye mbivilia ĩasya ni kyau ki makitikia ana ma Avalaamu ĩvinda ya Mũminũkĩlyo.

Nũseo kũmanya kana ma watho ala Ngai wamunengie Avalaamu Mai ma kuvikĩa mwana wake Isaka (Mwambĩlĩlyo 26:1-5), o vamwe na mwana wa Isaka Yakovo (Mwambililyo 28:13-14).

Ngai niwavuanisye ma watho angi ũndu wa Yakovo, ala maandikitwe ĩvukuni ya Mwambĩlĩlyo:

• Ũsyao wa Yakovo wai wisye “kũnyaika kũela kũndu ta ũthuilonĩ, wumĩlonĩ, na ngali ya yĩulũ, na itheo” (Mwambĩlĩlyo 28:14).
• ???
• mwambiliilyo 48 yiasya ũndu Yakovo weyoseie syana sya Yosevu syelĩ. Ni kwondũ wa ũu Yosevu eyosea ĩanda ĩli sya ũtiiwa woo vandu, va kĩmwe.

???

Yĩla Yakovo waathimaa Evalaimu na manase, ni waĩiye kw’oko kwake kwa aume yĩulu wa Evalaimu, ũla wai mũnini. Yosevu atalĩthya kana ĩthe niwavitya, nundu aĩ kĩlilinda.

Na Yosevu amwia ithe wake, “aie ti ou, ĩthe wakwa, ni kwithiwa ũyu niwe mũkuu! Iya kw’oko kwaku yiulũ wake”. Ĩndi nake alea, na asya, ” aie ninisi mwana wakwa. _onake akatwĩka o mbaĩ onake akanenevw’a, _ ni kwondũ, mũnini akethiwa mũnene kwi we, na ũsyao wake ũkatwika ngo sya andu“.

Vau nivo Yakovo wathanie kana manase akethiwa ĩkundi ya andũ—e weka, andũ me vinya. Ateo mwana inya Evalaimu esya kũtwika mũnene mbee kwi angi.

Maũndũ Asu Mekikie Ĩndii?

Ĩsomo ĩthelu niwamanyĩiwe kana Ĩvinda ya kũkunw’a kwa Isilaeli myaka 2520 yila yambĩlĩĩlye ũsumbĩko wa Solomoni ũkilye ũthela yila Isilaeli mamutiee Ngai woo. Ĩvinda yiu yathelile mwaka wa 1585. Yiũ niyo yai ivinda ya nthĩ sya yiulũ ku Ũlaya, vamwe na Netalani, Ũvalanza, Noowai, nthĩ ya Ĩya, na ila ingi syambĩliilye kũkila kwa ũthui na ũtonyi wa ũsumbĩko. Kwondũ wa ũu nthĩ isu nisyea niisye wathani yĩulũ wa kũkilw’a kwa Isilaeli ĩvinda ya Mũmĩnũkilyo, na niw’o tũkwimanya kana nisyo ũsyao wa ila mbaĩ 10 syaiye sya Isilaeli.

Isilaeli maĩ na ilungu ya ũkuno ĩvinda ya keli yila Asuli mambĩisye kũmathamya Isilaeli Kuma nthĩ yoo vau mwaka ũsu 733BC. Nivo ĩvinda ya myaka 2520 yathelile 1788.

Na ingi ivinda oyiu Ungelesa nayo yambiliilye kũkinya matambya ma Ũvalanza na yatwika ndongoi ya nthi yonthe. Ausitalia nayo yatwikithiwe o mwaka ũsu 1788. Na ngali ya ma mawĩthyulũlũko ma ku Kanata, nasyo ilungu ila syai ungũ wa mĩao ya Ũsungunĩ nasyo syookilw’a 1788, vamwe na kũlũlũmilw’a kwa Kanata ya yiulũ myaka itatu itina. Vau nivo ũngelesa yeanie yavikia Kũsumbĩka ta nyunzu ya nthĩ -ila niyo yai nene vyu mavinda ma nthĩ yonthe. Vau nivo twonetwe nisyo “ikundi sya nthĩ” Ĩla mbivilia inikutwonya ta syo ũsyao wa Evalaimũ.

Mwana inya wa Evalaimũ, Manase, niwe nthĩ ya Amelika. Ũngelesa na tũlungu twayo twa Amelika nisyaiyosei wiyathĩ Kuma kwa asumbĩki moo mwaka wa 1776. Ona kau, nimatatie mo kwĩsumbĩka ta mena Ũthasyo indĩ methiwa na thĩna wa walan’yo wa ũtongoi. Na vau vokila andũ nduika na makwatan’ya tũlio twonthe na matw’a kativa kamwe keũ, na matwika nthi imwe. Kativa kau nikekithisw’e mwei wa 6 matukũ 21, 1788, na u watwika Mwambĩlĩlyo wa nthĩ ya Amelika. Nthi ya Amelika yatwika nthĩ nthũi mũno na nthĩ yi vinya mwingĩ yi yoka kwa ĩvinda yiasa, yĩkianisya wathani wa kana Manase akatwĩka andũ me ũtonyi. Mauathimo aa mayaukia ĩsilaeli nund u maĩ aseo kwĩ andu ala angi.

??? Mbivilia yiasya atii kwa Isilael: “manya ĩndi, kana Yeova Ngai waku ndeukunenga nthĩ ino nzeo umimesye nundu wa ũlungalu wakũ, nikwithiwa wi mbai yi ngingo nyumũ” (Kũtũngilĩlwa kwa mĩao 9:6). Ĩndi, maũathimo aa mokie”nundu Avalaamu niwew’aa wasya wakwa, na asũvia wiao wakwa, na myamũlo yakwa, na motwio makwa na mĩao yakwa” (Mwambĩlĩlyo 26:5).

Vamwe moathimo asu kũmokia mokanisye na wiai wa kũmwiw’a Ngai. Ngai anyũvie Isilaeli methiwe ngekekany’o kwa ngo ila ingi. Kethiwa nimamwiwie Ngai, methiwa matwĩkie ngelekany’o nzeo ya kumwa itina nangi (Kuma 19:5; Kũtũngilĩlwa kwa mĩao 4:5-8). Na yila mamũleile Ngai na mĩao yake, nivo Ngai watw’ĩe kũmakuna mbee, atanamba kũmakuna andũ ala angi (Alomi 2:9).

Kũvika vau Isilaeli yaamwiw’a Ngai? mo andũ ma yiulũ ku ũlaya, Amelika, Kanata, Ausitalia, Nthi nzeo, Avilika ya itheo ni andũ alungalu; kana akiĩ ma Ngai?.

Kwa ũw’o aiyee! Na vangi, nthĩ isũ Isilaeli ya ũmunthĩ maendee kũtongoesya andũ kũmulea Ngai na mĩao yake.

Nthini wa Alivai 26 na Kũtũngililwa kwa mĩao 28, Ngai nũvuanitye ũndu wiika na Isilaeli nundu wa kũmulea. Wathani ũu niweaniiwe ĩvinda ya tene, ateo wĩaniu wamo ũkeethiwa Ĩvinda yiĩ. Na ingi wathani ũu Ũendee kwianiw’a ũmunthi.

Kwa sisya undũ maũkuno asũ matĩanie

ala mawetetwe ni Alivai 26, Ũyambĩliilya na mũsoa 14:

1. “Nge iaia w’ia ĩulũ wenyu.”

   Ivithukia ya ku Amelika mwei wa 9 matukũ 11, 2001 yai o ũmwe wa w’ia Ũla ũmekumbĩlite andũ ma Isilaeli na Yuta myaka mithelu. Na u w’ia o Ũkyuma Kati Kati woo. Andũ kũawa na mavuti na matelemya ma mbomu methiitwe undũ wa kila mũthenya ku Amelika na nthi ila ikonetye Isilaeli.

2. “Ũwau wa ũkooa na ndetema, ũla wanangaa metho, na kũtuma thayũ Ũsonzoma.”

   Yo ũelesyo ũsu ndũkwona ta w’o mũthelo ũwau wa oyu mituki wa kiumo? Nayo maũwau asu maingi ni kwondũ wa kũmulea Ngai na mĩao yake yiulũ wa kwĩvukya na ũlalai?

3. “Mũkavanda mbeũ syenyu Mana, nundu amaitha menyu makaiya.”

   Ni aaũ ala mathoasya liũ wa ngetha kwa wingi nĩ nthĩ ikũ? ni aaũ ala mathooa u liu ũsu? kwa isyaisye wone.

4. “Mũkakilw’a vinya mbee wa amaitha menyu.”

   Ni ata wekikie kũũya Avukanisitani?

5. “Ala maũmenete makaũsumbika.”

   Kwa sisya mũendele ya ndongoi sya nthĩ isu, ala matalumanya na andũ moo ene.

6. “Ũkasemba vate mũndũ Ũkusembanitye.”

   Ni kyau kyatumie Amelika makuka Kuma Avukanisitani, vate mũndũ wamasembanitye?

7. “Ngananga ngathĩio ya vinya wenyu.”

   ‘Na vena andũ angi mena ũkumbau kũũ nthĩ na ũelo wa Amelika itina wa nthĩ yonthe kũloelya Talivani yakwata ingi Avukanisitani kwa mithenya mivuthũ, ita sya Amelika itanamba Kuma kw’o? Nayu Ũlusi, Ũkyaina, kolea ya yiulũ, na ala angi nimakiaa Amelika ila yai vinya, ĩndi yii ni mbonzu undũ itatonya kũmasiĩa kwika ũla mekwenda?

8. “Ngayĩtwikithya ĩtu yenyu yithiwe ta kiaa, na nthĩ yenyu yithiwe ta ũthuku. Na mukaananga vinya wenyu Mana; nundu nthĩ yenyu ndikasyaa Ũsyao wayo, ona miti ya nthĩ ndĩkasyaa ũsyao wayo.”

   Kwamba kwĩsilya undũ wa mũnyao ũla withiitwe nthĩ ya Amelika na Ausitalia.

Na iumo isu kwa oyu nisyambĩie kũkwata nthĩ ii sya Isilaeli na Yuta. Na aa nima wambĩliĩlyo wa maũkuno ma Ngai vala maĩ.

Wathani ũsu no uendeye ũtwonya maũndũ amwe matanamba kwĩkika, kwa oyu, ĩvinda yii nguandika Ĩsomo yii. Namo aa nimo maũndũ ala me mbee wa andũ ma Isilaeli na Yuta ala mekw’o (Alivai 26:23-39):

• Nyamũ sya kitheka ikamuvithukĩa na kũaa andũ
• Ngamuetee ũvyu wa amaitha menyu
• Maũwau ma ũsenya maka mwĩthyulũlũka ngali syonthe
• Kũkilw’a vinya
• Mayũa
• Na mũkaya nyama sya syana syenyu sya eitu na aũme
• Kwanangwa ndũanĩ syenyu
• Mũkakuwa na kũtavwa kũtwawa ũtuw’a ngombo nthĩ sya kũasa.

Ni kwithiwa kwi vinya kũikia. Ateo maũndũ asu nimo makitikie Isilaeli na Yuta ĩvinda ĩvituku. Na no nginya maũndũ asu kwĩsyokelela kwoo—kethiwa mayi mwĩthyuia Ngai!

Wathani wiasya, kana nthi isu syai vinya na ũtonyi ikakilw’a vinya na kũtheesw’a nthĩ. Isilaeli na Yuta makanyaiikw’a Kati wa i mbaĩ, kũthoow’a ũkombonĩ, vamwe na kũthukumithw’a vate ndivĩ, mako awa aingi na kwa ĩvinda yiasa kwĩ yiu ya tene.

Maũndũ asu mawetetwe kaingĩ mũno. Maisyokeleelwa kaingi vau mbĩviliani.

Kwa amba kũsisya ĩvukunĩ ya Esekieli. Esekieli ai ũmwe wa atave ma Yuta e mwathani ala mathamĩiwe mbavĩloni. Ateo ũtumane wa Esekieli ndwai wa Yuta. Ngai amũtumie kwa Isilaeli: “nakwa niutuma kwa syana sya Isilaeli, kwa mbai ila ng’endu, ila yambaiie matũ” (Esekieli 2:3).

Esekieli niwanengiwe mokanyo undũ wa Isilaeli, aimatavya kũtavwa na kũnyaiikw’a kethiwa Isilaeli maivikia kũmusyokea Ngai woo. Ateo Maĩ mataviwe myaka 125 mbee! Wathani usũ ndwai mĩthenyani yake, indi ya Ĩvinda yii tũi ithyi.

Soma Esekieli 5. Vau vathanitwe maũndũ me mũiki wa kwĩthĩwa undũ wa Isilaeli yila mekilw’a vinya. Wiona ta andũ meana ata ala mekw’a ĩvinda yiu?

“Kilungũ kimwe makoawa ni mũimu na kila kingi makaminiwa ni yũa Kati waku, na kilungu kila kingi kikavalukw’a na ũvyũ kũuthyũlũlũka; kila kingi ngamanyaiikya iseveni syonthe.” (Esekieli 5:12).

Ilungu ili sya andũ ma Isilaeli ya Ũmunthĩ makoawa kauni na yũa yila yũkĩte. Na ala angi makakuwa na kũtwawa ũkomboni.

Kwa sisya Kũtũngililwa kwa mĩao 28:68: “Asa wa tene na tene akakutunga ingi misili; na ngalawa.- na ku mũkethoosya kwa amaitha menyu mwithiwe ngombo aũme na aka, na mũikona wa kũmuthooa, ”. undũ ũsu ndwa amba kwĩkika. Ateo ni wathani wa ivinda yũkite.

Mwathani Mose nake aisye, “ũthuku Ũkamwithia, ĩvinda ya Mũminũkilyo; Ni kwĩthĩwa mũkeka ũla Ũte ũlungalu mbee wa metho ma mwene vinya, na kwakan’ya ũthatu wake kwĩsila kwa mawĩa ma moko menyu” (Kũtũngililwa kwa mĩao 31:29).

Isaiya, Yelemia, Osea, vamwe na athani angi aingi nimawetie ũndu wa kũkĩlw’a vinya kwa Isilaeli na Yuta mũthyani wa ĩvinda. Ma wathani aa mai ndiĩ ya kwĩania. Kwa ou makekika. Ũvoo mũseo ni kana ĩvinda yii yathe yitikethiwa yiasa, no myaka mĩvũthũ, na niyo yikatũma Isilaeli methyũia Ngai na kũmwikwatya ithe woo. Ateo vau ni va Isomo yĩngi.

Isomo yila yukite: Wathani wa kwonanya walany’o wa mavinda